സൗദിയിലെ ട്രാഫിക് പിഴയിളവ് ആനുകൂല്യം നാളെ വെള്ളിയാഴ്ച അവസാനിക്കും. ആറു മാസം മുമ്പ് പ്രഖ്യാപിച്ച ആനുകൂല്യമാണ് വെള്ളിയാഴ്ച അവസാനിക്കുന്നത്. ഈവർഷം ഏപ്രില്‍ 18 നു മുമ്പ് ചുമത്തിയ ട്രാഫിക് പിഴകളിലാണ് ഇളവ് ആനുകൂല്യമുണ്ടായിരുന്നത്. നിരവധിപേരാണ് ഈ ആനുകൂല്യം ഉപയോഗപ്പെടുത്തിയത്.
ട്രാഫിക് പിഴകളില്‍ മാത്രമാണ് ഇളവ് ലഭിച്ചിരുന്നത്. മറ്റ് പിഴകെൾക്കൊന്നും ആനുകൂല്യം ലഭ്യമല്ല. നാളെവരെ ഈ ആനുകൂല്യം ഉപയോഗപ്പെടുത്തി പിഴകള്‍ അടക്കാത്ത പക്ഷം പിഴകള്‍ പിന്നീട് പൂർണ്ണമായും അടക്കേണ്ടിവരുമെന്നും സൗദി ട്രാഫിക് ഡയറക്ടറേറ്റ് വ്യക്തമാക്കി.