ജിസാൻ: ജിസാൻ സിറ്റിയിൽ നിന്ന് 110 കിലോമീറ്റർ കിഴക്കായി സ്ഥിതിചെയ്യുന്നതാണ് ഹറൂബ് ഗവർണറേറ്റിലെ വിനോദസഞ്ചാര കേന്ദ്രങ്ങളൾ സന്ദർശകരുടെ ഒരു പ്രധാന സ്ഥലമാക്കി മാറുന്നു.

അതിമനോഹരമായ പ്രകൃതിദൃശ്യങ്ങൾ, വ്യതിരിക്തമായ വനങ്ങൾ, സുഖകരമായ കാലാവസ്ഥ, അതിശയിപ്പിക്കുന്ന വെള്ളച്ചാട്ടങ്ങൾ എന്നിവയ്ക്ക് ഈ പ്രദേശം പേരുകേട്ടതാണ്.

നിരവധി ശ്രദ്ധേയമായ വിനോദസഞ്ചാര കേന്ദ്രങ്ങളുമുണ്ട് ഇവിടെ. അതുല്യമായ പ്രകൃതിഭംഗിയുള്ളതും വിശ്രമവും മനോഹരമായ അനുഭവങ്ങളും ആഗ്രഹിക്കുന്ന സന്ദർശകരുടെ ഒരു പ്രധാന സ്ഥലമായി ഇവിടം മാറി.

ജുവാ ഷഹ്ദാൻ എന്നറിയപ്പെടുന്ന ഒരു സൈറ്റിൽ നിന്ന് ഹറൂബിൻ്റെ പർവതങ്ങളുടെ ഉയരത്തിൽ നിന്ന് ഇറങ്ങുന്ന വാദി ഷഹ്ദാൻ 80 കിലോമീറ്ററോളം വ്യാപിച്ചുകിടക്കുന്നു.
ഈ പ്രദേശത്തെ ഏറ്റവും വലുതും മനോഹരവുമായ താഴ് വരകളിൽ ഒന്നായി ഇത് നിലകൊള്ളുന്നു. അതിമനോഹരമായ പ്രകൃതി സൗന്ദര്യം സമൃദ്ധമായ പച്ചപ്പ്, ഇടതൂർന്ന സീസണൽ കാട്ടുചെടികൾ, പച്ച സമതലങ്ങൾ, ഡൂം മരങ്ങൾ നിറഞ്ഞ വനങ്ങൾ എന്നീ മനോഹരമായ കാഴ്ചകൾ ഇവിടെ കാണാനാകും.

താഴ്‌വരയുടെ തുടർച്ചയായി ഒഴുകുന്ന തെളിഞ്ഞ ജലം പാറക്കെട്ടുകളിലൂടെ ഒഴുകുന്നു. പക്ഷികളുടെ നിരന്തരമായ ശബ്ദങ്ങൾ, സന്ദർശിക്കുന്ന എല്ലാവർക്കും ആനന്ദകരമായ അനുഭവം പ്രദാനം ചെയ്യുന്നുണ്ട്.